---

 23rd May 2017

کراچی(    ) آرٹس کونسل آف پاکستان کراچی کے زیر اہتمام معروف مصور اقبال مہدی کی نویںبرسی کے موقع پر ان کی صاحبزادی لیزا مہدی اور اقبال مہدی کی بنائی گئی پینٹنگز ، پین اور ڈرائنگز کی نمائش کاافتتاح پیپلزپارٹی کے چیئرمین بلاول بھٹوزرداری ،آصفہ بھٹو زرداری اور ر صدر آرٹس کونسل محمد احمد شاہ نے مشترکہ طور پر کیا۔اس موقع پر وزیر اعلی سندھ سید مراد علی شاہ ،سنیئر وزیر نثاراحمد کھوڑو ، وزیر ثقافت سردار علی شاہ،سینیٹر سعید غنی،ڈپٹی اسپیکر سندھ اسمبلی شہلہ رضا،نجمی عالم،وقار مہدی،راشد ربانی بھی موجود تھے۔نمائش میں بھٹو خاندان کی تصاویر خصوصی توجہ کا مرکز بنی رہی۔ نمائش میں محترمہ بے نظیر بھٹو کے پورٹریٹ کی رونمائی بھی بلاول بھٹو اور آصفہ نے کی اور اقبال مہدی اور لیزا مہدی کے آرٹ اور فن کو سراہا۔

[download-attachment id=”13626″ title=”Liza Paintings (1)”]

[download-attachment id=”13627″ title=”Liza Paintings (2)”]

---

کراچی ( ) آرٹس کونسل آف کراچی کے زیر اہتمام سندھ تھیٹر فیسٹول اختتام کو پہنچ گیا، سندھ تھیٹر فیسٹول کی اختتامی تقریب سے خطاب کرتے ہوئے صوبائی وزیر ثقافت سید سردار علی شاہ نے کہا کہ معاشرے کا انتہا پسندی کا جواب کلچر کو فروغ دے کر کیا جاسکتا ہے حکومت سندھ نجی اداروں کے اشتراک سے صوبے بھر میں کلچر کے فروغ کے مختلف پروگراموں کا انعقاد کررہی ہے آرٹس کونسل آف پاکستان کے اشتراک سے سندھ تھیٹر فیسٹول اسی سلسلے کی ایک کڑی ہے اس کی کامیابی پر آرٹس کونسل کی گورننگ باڈی خصوصاً محمد احمد شاہ کو مبارکباد دیتا ہوں۔ انہوں نے کہا کہ محمد احمد شاہ کلچر کے سپاہی ہیں اور انسانیت کو خوش دیکھنا چاہتے ہیں کراچی میں ثقافتی، ادبی و سماجی سرگرمیوں کے فروغ میں ان کی گرانقدر خدمات ہیں جسے قدر کی نگاہ سے دیکھا جاتا ہے انہوں نے کہا کہ آئندہ بہت جلد آرٹس کونسل کے اشتراک سے تھیٹر کی سریس شروع کریں گے جو کراچی کے شہریوں کے لئے ایک بہترین تفریح و تعلیمی پروگرام ہوگا۔ آرٹس کونسل کے صدر محمد احمد شاہ نے کہا کہ آرٹس کونسل میں پہلی مرتبہ ادب و ثقافت کے نئے نئے برانڈ متعارف کرائے گئے ہیں اور سندھ تھیٹر فیسٹول اس سال کا نیا برانڈ ہے جو ہر سال کیا جائے گا۔ انہو ں نے کہا کہ کلچر لوگوں کو خوشیاں فراہم کرنے کا ذریعہ ہے اور جس معاشرے میں لوگوں کو خوشیاں میسر نہ ہوں وہاں مایوسی پھیلتی ہے یہ تھیٹر سندھی اور اردو کھیلوں پرمشتمل تھا جس میں سندھی ڈرامے اردو بولنے والوں نے اور اردو ڈرامے سندھی بولنے والوں نے بڑی دلچسپی سے دیکھے اور انہیں پسند کیا اور یہی یکجہتی کی مثال ہے انہو ں نے کہا کہ آرٹس کونسل آف پا کستان کراچی معاشرے میں علم و ادب اور ثقافت کی ترقی کے لئے شب و روز کوشاں ہے اور روزانہ کئی پروگرامز منعقدہوتے ہیں شاعروں ادیبوں کی کتابوں کی رونمائی ، معاشرے، موسیقی اور دیگر پروگراموں میں نوجوان اپنے سینئر کے ساتھ سیکھنے کے عمل میں مصروف ہیں۔ انہوں نے کہا کہ حکومت سندھ کے موجودہ وزیر سید سردار علی شاہ ثقافت کی ترقی کے لئے شب و روز کوشاں ہیں اور میں سمجھتا ہوں کہ موجودہ وزیر ثقافت کی تقرری ایک درست اقدام تھا۔ اس موقع پر ڈراموں کے ڈائریکٹروں کو ایوارڈز دیا گیا جن میں ریاض سومرو، زرقہ ناز، ایوب ڈار، اکبر اسلام، پارس منصور، علی روشن، ناز سہتو، عظمیٰ سبیل، فہیم یحیےٰ، رفیق احسانی، بازلہ مصطفی، رفیق آبڑو، شاجہاں، انور چودھری اور دیگر شامل تھے۔

کراچی ( )سندھ تھیٹر فیسٹول میں ڈرامہ ’’ ادھوری زندگی’’بیلا، باس اور بُلّی‘‘ اور ’’شیری‘‘ پیش کیا گیا جسے شائقین نے بے پناہ پسند کیا۔ ڈرامہ ادھوری زندگی میں بتایا گیا کہ زندگی کی خواہشات انسان کا پیچھا کبھی نہیں چھوڑتیں اور یہی وجہ ہے کہ انسان اپنی خواہشات پوری کرنے کی جدوجہد میں اپنی زندگی کے اہم لوگوں اور موقعوں کو کھو دیتا ہے لیکن بہت سے خواہشات ایسی ہوتی ہیں جو کبھی پوری نہیں ہوتی۔ معاشرے کی تلخیوں، غربت اور زندگی کی خواہشات کے حصول کی تگ و دو کی کہانی پر مبنی ڈرامہ ’’ادھوری زندگی‘‘ کی تحریر و ہدایات رفیق احمد ابڑو کی تھیں ڈرامہ سندھی زبان میں پیش کیا گیا۔ بچوں کے لئے مرتب کردہ ڈرامہ ’’بیلا، باس اور بُلّی‘‘ معروف اداکار وہدایتکار خالد انعم کی جانب سے پیش کیا گیا جس میں بچوں کے ساتھ ساتھ بڑوں کے لئے بھی دلچسپی رکھی گئی ڈرامے میں خصوصی گیت بھی پیش کئے گئے۔ ڈرامے کی کہانی میں بچوں کی نفسیات، ان کے مسائل اور ان کی خواہشات کے حوالے سے کچھ ایسی باتیں موضوع بنائی گئیں جن کی جانب توجہ دینا والدین اور اساتذہ کے لئے بہت ضروری ہے یہی بچے اس ملک کا معمار ہیں اس لئے ان کی پرورش میں ان کی خواہش کو مد نظر رکھنا بہت ضروری ہے جبکہ ڈرامہ ’’شیری‘‘ میں تحریک نسواں کی جانب سے پیش کیا گیا جو معروف ناول نگار جمیلہ ہاشمی کی ایک مختصر کہانی پر مبنی تھا۔ اس ڈرامے میں ایک ایسی عورت کی کہانی پیش کی گئی جو اکیلے اس دنیا میں اپنی زندگی گزار رہی ہے لیکن اس کی زندگی میں آنے والے مسائل، لوگوں کے تبصرے، معاشرے کے مخصوص تنگ سوچ اور نظریے اس کے راہوں میں مشکلات کے انبار لگا دیتی ہے۔ ان کا سامنا کرنا ایک اکیلی عورت کے لئے کتنا دشوار اور کٹھن ہے اور وہ کن مشکلات سے گذرتی اور کیا محسوس کرتی ہے ان تمام باتوں کو کہانی کی صورت میں پیش کیا گیا۔

Picture:

[download-attachment id=”12926″ title=”Bela Boss or Bully”]

[download-attachment id=”12927″ title=”Sherry”]

کراچی ( )سید مشتاق راجہ کا ناول مٹی کے دےئے کے تقریب پذیرائی 3؍ مئی 2017 بروز بدھ، شام 6 بجے آرٹس کونسل آف پاکستان کراچی کے گراؤنڈ فلور میں منعقد ہوگی جس کی صدارت میئر کراچی وسیم اختر کریں گے مہمان خصوصی ڈاکٹر فاروق ستار، مہمان اعزازی عبدالحسیب خان ، مہمان گرامی آفاق سعید، سید نیر رضا، عمران اسلم خان، فرید احمد شیخ اور نرگس خان ہونگی جبکہ اظہار خیال کرنے والوں میں معید انور، شاکر علی، وسیم سومرو، قادر بخش سومرو، نغمانہ شیخ اور شاہدہ اسرار کنول شامل ہیں ۔ نظامت کے فرائض علی حسن ساجد انجام دیں گے۔

کراچی( )آرٹس کونسل آف پاکستان کراچی کی آڈیو وویژل کمیٹی کے زیراہتمام’’تھیٹر‘‘ کے حوالے مکالماتی فورم ’’کل آج اور کل‘‘ کے عنوان سے پروگرام گزشتہ شب منعقد ہوا۔اس موقع پر صدرآرٹس کونسل محمد احمد شاہ نے کہا کہ آرٹس کونسل تھیٹر کے فروغ کے لئے بہت کام کررہا ہے ،تھیٹر فیسٹول پہلے بھی ہوا۔ابھی دوسرا ہورہا ہے۔ہماری کوشش ہے کہ اچھے تھیٹر کے ساتھ ساتھ ایساکام کیا جائے جس سے تھیٹر سے وابستہ افراد خوش حال ہوسکے۔احمد شاہ نے کہا کہ آرٹس کونسل میں کلچر کے ساتھ ساتھ فن کاروں کی فلاح وبہبود کے لئے بہت کام کیا جا رہا ہے۔ آرٹس کونسل کی نئی بلڈنگ میں کراچی کا سب سے جدید اسٹیوڈیو تیار کیا جارہا ہے۔آرٹس کونسل عنقریب اپنا پرڈوکشن ہاوس بھی قائم کررہا ہے۔آرٹس کونسل کسی سے مقابلے کے لئے کا م نہیں کرے گابلکہ فن اور فن کاروں کی بہتری کے لئے کام کر رہا ہے اور کرتا رہے گا۔ انہوں نے کہا کہ پاکستان کا تھیٹر ایک شاندار ماضی کے ساتھ حال میں بھی بہتر سے بہتر ہو رہا ہے۔ہم نے اس پروگرام کو اس لئے منعقد کیا کہ کل، آج اور کل کے بارے میں گفتگو کی جاسکے۔اس موقع پر طلعت حسین، شیماکرمانی، خالد انعم، زین احمد، اکبر اسلام، بازیلہ ،سجیرا لدین،عظمی سبین،یونس خان شامل ہیں۔ طلعت حسین نے کہا کہ کراچی میں ایک زمانے میں بہت اچھا تھیٹر ہوتا تھا لیکن پھر کمرشل ڈرامہ شروع ہوا۔تھیٹر ہا ل ختم ہوگے ،ابھی دوبارہ آرٹس کونسل اور ناپا نے تھیٹر ہال قائم کئے ہیں جس سے تھیٹر کے ایک نئے دور کا آغاز ہوا ہے۔محمد اقبال لطیف نے کہا کہ آرٹس کونسل کراچی میں ہر ماہ ایک فورم منعقد کیا جاتا ہے جس کا مقصد فن و آرٹ کے مختلف شعبوں کا جائزہ لینا ہے اور نوجوانوں کو آگہی دینا ہے کہ کس طرح انہیں مختلف شعبوں میں آگے بڑھنا ہے اور کیسے اس میں بہتری لانی ہے۔ یہ فورم اسی سلسلے کا دوسرا فورم ہے۔ تھیٹر کے حوالے سے جائزہ لیا جا رہا ہے ،کراچی میں تھیٹر کے کیا حالات ہیں،تھیٹر کیساہو رہا ہے کس طرح کا ہورہا ہے اور کیا ہونا چاہئے۔شہناز صدیقی نے کہا کہ تھیٹر کا زوال اس وقت ہوا جب آرٹسٹوں نے مصنف کی جگہ لے لی۔تو تھیٹر کا زوال شروع ہوا۔ بازیلہ نے کہا کہ ہمارے یہاں تھیٹر کرنے والوں کو اچھا نہیں سمجھا جاتا۔معاشرے کو اپنی رائے تبدیل کرنا ہو گی پھر ڈرامہ اور تھیٹر ترقی

کرے گا۔

[download-attachment id=”12925″ title=”kal aj or kal”]