کراچی (   ) آرٹس کونسل آف پاکستان کراچی میں13روزہ عوامی تھیٹروفیسٹیول 16اپریل سے اوپن ایئر تھیٹر میں شروع کیا جارہا ہے جس میں سینئر فنکار فن کا مظاہرہ کریں گے ،کراچی کے شہریوں کے لئے اُردو،سندھی، پنجابی، پشتو، سرائیکی سمیت دیگر زبانوں کے 14ڈرامہ کراچی کے شہریوں کے لئے مفت پیش کے جائیں گے تاکہ متوسط طبقے کے افراد کو بہترتفریحی موقع میسر آسکیں۔ آرٹس کونسل کے صدر محمد احمد شاہ نے جمعرات کو چیئرمین پریس اینڈپبلی کیشن کمیٹی بشیرسدوزئی،چیئرمین آڈیو ویژیول کمیٹی اقبال لطیف، عوامی تھیٹر فیسٹیول کے کوآرڈینیٹر آدم راٹھور کے ہمراہ پریس کانفرنس سے خطاب کرتے ہوئے اس عوامی تھیٹر کی تفصیلات بتائیں اور کہاکہ جب ہم آرٹس کونسل میں آئے تو کراچی میں عوامی تھیٹر کی شاندارروایت تھی،معین اختر اور عمر شریف نے اس کی مقبولیت میں چار چاند لگادیئے،پھر اس شہر میں جہاں دیگر شعبوں میں ٹھراﺅ آیا وہیں عوامی تھیٹر بھی متاثر ہوا، اس عوامی تھیٹر فیسٹیول سے نہ صرف کراچی میں عوامی تھیٹر فیسٹیول کی مقبولیت میں اضافہ ہوگا بلکہ مختلف زبانیں بولنے والوں کے مابین ہم آہنگی کو فروغ دینے کا زریعہ بھی ہوگا،اس تھیٹر فیسٹیول میں اپنے فن کا مظاہرہ دیکھانے والے فن کاروں کو آرٹس کونسل آف پاکستان کی جانب سے اعزازیہ دیا جائے اور ان فنکاروں کی کارکردگی کو مد نظر رکھتے ہوئے آئندہ اس معاوضة میں خاطر خواہ اضافہ بھی کیا جائے گا عوامی تھیٹر کی مشرقی روایات ہے اور اسے زندہ رکھنے کے لئے جو لوگ بھی اپنا حصہ ڈال رہے ہیں وہ لائق تحسین ہیں ،صدر آرٹس کونسل نے مزید کہاکہ آرٹس کونسل آف پاکستان کراچی ہمیشہ تھیٹر کی بھلائی کے لئے دن رات کام کررہا ہے، عوامی تھیٹر فیسٹیول اسی کاوشوں کا ایک حصہ ہے۔ عوامی تھیٹر فیسٹیول 16اپریل تا28 اپریل روزانہ پیش کیا جائے گا۔ ان ڈراموں میں کامیڈی اور کلاسک کا رنگ نمایاں ہوگاجس سے عوام لطف اندوز ہوسکیں گے۔ آرٹس کونسل اس فیسٹیول میں تمام ہدایتکاروں اور فن کاروں کو ضروری سہولیات مہیا کررہا ہے۔ انہوں نے کہاکہ اس فیسٹیول میں ”منڈا بگڑی جائے“ رﺅف لالہ کالکھا کھیل اور ہدایت بھی انہی کی ہے جس میں شکیل صدیقی، سلیم آفریدی وغیرہ کی خوبصورت کامیڈی فیملیز ضرور پسند کرے گی۔ ”محلہ پونے آٹھ“ پرویز صدیقی کا لکھا کھیل جسے روفی انعم پیش کررہی ہیں۔خواجہ سراﺅں کی زندگی پر خوبصورت تھیٹر ہے۔ ”سرگرہن“ ہمارے سندھ کے معروف تحریر و ہدایتکار شاہ نواز بھٹی پیش کررہے ہیں۔سندھ میں کلچرل شوز پر بڑی مہارت رکھتے ہیں۔ ”دھیاں رانیاں“ پنجابی کھیل معاشرے میں جہیز کے موضوع پر محمد علی نقوی پیش کررہے ہیں۔خالد سلیم موٹر ہمارے فلمی اداکار اپنی زندگی کا اہم کردار ادا کریں گے۔ ”لیلیٰ جنیسر“ سندھی زبان کے کلاسک کھیل کو لکھا شاہ نواز بھٹی نے کی ہے جبکہ ہدایت سندھو علی نواز دے رہیں ہیں۔ ”پٹ غل باچہ“ کرشن چندر کے کھیل کو پہلی بار کلاسک پشتو زبان میں خان محمد صادق پیش کررہے ہیں۔یہ کھیل ادووزبان میں پہلی بار 1935ءکو پطرس بخاری نے نئی دہلی میں پیش کیا تھا۔ ”پہلی سڑک“ روزانہ سڑکوں پر معمول بننے والی قصے کہانیاں مخدوم ریاض پیش کررہے ہیں۔”بازو“ سرائیکی زبان کا خوبصورت کلاسک تھیٹر ظہور ملک پیش کریں گے۔ ”منجمد آنسو“ خوبصورت فلمی جملوں پر مشتمل کھیل مجیب قریشی پیش کریں گے۔ ”پاپا پیار اور پیسہ“ کلاسک تھیٹر عوامی تھیٹر پیش کرنے والے سینئر جمیل راہی پیش کریں گے۔ ”ارض پاک کی دیوانی“ وطن عزیز پر قربان ہونے والی دیوانی کی داستاں تھیٹر پر حمید راٹھور پیش کریں گے۔ ”ماں تجھے سلام“ ہمارے نوجوان نسل میں ماں کا کردار کتنا مجبور ہے ، تحریر و ہدایت آدم راٹھور کی ہیں۔ماں کے موضوع پر خوبصورت سچی کہانی ہے۔ ”ولیدادویل میں“سینئر اداکار ومصنف رشید صابر کا لکھا تھیٹر عابد نوید اور الطاف سومرو پیش کریں گے۔ محمد احمد شاہ نے کہاکہ صحافی برادری ہمیشہ آرٹس کونسل کے پروگراموں میں بڑھ چڑھ کر حصہ لیتی ہے اور بھرپور طریقے سے کوریج بھی دی جاتی ہے۔عوامی تھیٹر فیسٹیول